Rreth nesh

Qendra Mesdheu është një qendër kërkimore shkencore e themeluar në Qershor 2007 nga studiues të shkencave ekonomike dhe të marrëdhënieve ndërkombëtare.

Projekti më i rëndësishëm i Qendrës është Universiteti Mesdhetar, si një kontribut i rëndësishëm për arsimin e lartë dhe një vlerë tashmë solide dhe referuese në fushën e studimeve universitare.

Qendra Mesdheu gjithashtu është përfshirë në projekte të rëndësishme me partnerë ndërkombëtarë duke i realizuar me sukses ato dhe duke ndjekur në dinamikë projektet që janë në zbatim dhe aplikime për projekte të tjera të rendësishme.

Qendrës Mesdheu ka keto objektiva:

-  Të kontribuojë në zhvillimin e kërkimit shkencor mbi tema që lidhen me studimet mesdhetare. Interes i vecante i kushtohet marrëdhënieve politike dhe ekonomike te vendeve të rajonit Euro-Mesdhetar dhe lidhjeve të këtyre vendeve me Shqipërinë.

-  Të kontribuojë në zhvillimin e një dialogu publik konstruktiv në lidhje me cështjet Mesdhetare.

-  Të kontribuojë në informimin e saktë të opinionit publik për cështje që lidhen me marrëdhëniet ndërkombëtare të vendeve të Mesdheut.

-  Të kontribuojë në informimin e opinionit publik të huaj (kryesisht të vendeve Mesdhetare) me zhvillimet politike, ekonomike dhe sociale të Shqipërisë.

-  Të vendosë gjithë kapacitetin dhe eksperiencën e saj shkencore në dispozicjon të Universitetit Mesdhetar të Shqipërisë dhe të studentëve të tij dhe më gjerë me qëllim zhvillimin e studimeve mesdhetare të një niveli të lartë.

Objektivat kryesore të Qendrës Mesdheu do të arrihen nëpërmjet :

-  Projekteve, studimeve dhe kërkimeve shkencore të ndërmara drejtpërdrejt nga Qëndra Mesdheu.

-  Publikimit të studimeve dhe kërkimeve shkencore (libra, revista, artikuj, tema shkencore).

-  Mbajtes së konferencave shkencore kombëtare dhe ndërkombëtare, seminareve, cikleve të seminareve, simpoziumeve, lektorimeve dhe debateve publike.

-  Bashkëpunimit të ngushtë me Universitete dhe qendra kërkimi shkencor brenda dhe jashtë vendit.

-  Krijimit dhe pasurimit të një biblioteke të specializuar në studimet mesdhetare.

Studimet e Qendrës Mesdheu fokusohen kryesisht në fushat e mëposhtme :

-  Marrëdhëniet ekonomike dhe politike të rajonit Euro-Mesdhetar.

-  Marrëdhëniet e Shqipërisë me vendet Euro-Mesdhetare.

-  Marrëdhëniet e Bashkimit Evropian me vendet mesdhetare, të para në prizmin e Unionit për Mesdheun.

-  Analizën e politikës së jashtme të vendeve Euro-Mesdhetare.

-  Globalizimi dhe ndikimet në vendet e rajonit mesdhetar.

-  Historia dhe qytetërimet e rajonit të Mesdheut.