Studimet

Informatikë me profile:

• Sistemet e Informacionit në Biznes
• Inxhinieri Software

Programi i studimit Master i Shkencave në Informatikë me profile “Sistemet e Informacionit në Biznes” dhe “Inxhinieri Software” ka si qëllim të përgatisë specialistë të Informatikës, me njohuri të profilizuar në fushat e sistemeve të informacionit dhe inxhinierisë software.
Duke ndjekur këtë program studimi, studenti merr njohuritë e nevojshme për të bërë një analizë të hollësishme të të dhënave, duke filluar nga mbledhja, përpunimi dhe interpretimi i tyre, në mënyrë që të gjenerojë informacion të vlefshëm, për ta përdorur më tej për qëllimet e biznesit, organizatës apo institucionit në të cilin bashkëpunon.
Mbi të gjitha, ky program synon që ti ofrojë tregut, ekspertë në fushën e Informatikës si zhvillues dhe analistë software, testues, mirëmbajtës dhe projektues software, menaxherë projektesh, administratorë baze të dhënash, specialistë të sigurisë së informacionit etj. 

Master i shkencave në Inteligjencë artificiale

• Artificial Intelligence 

Masteri i Shkencave në Inteligjencë Artificiale, i hapur në kuadër të projektit LAIA, është një program studimi i avancuar ne dy gjuhe (shqip dhe Anglisht), që synon të përgatisë specialistë të aftë për t’iu përgjigjur sfidave të transformimit digjital dhe zhvillimeve më të fundit në fushën e AI. Programi është 2-vjeçar, me kohë të plotë dhe 120 ECTS, dhe ofron një kurrikulë bashkëkohore që përfshin fusha si Introduction to AI, Programming for AI, Machine Learning, Data Science, Big Data Analytics and Cloud Computing, Natural Language Processing, Computer Vision, Deep Learning, Cybersecurity, si edhe praktikën profesionale dhe temën e diplomës. I zhvilluar në kuadër të projektit evropian LAIA, ky master përfaqëson një hap të rëndësishëm në modernizimin e ofertës akademike të UMSH dhe në forcimin e kapaciteteve në Inteligjencën Artificiale në Shqipëri.

 

 

Dokumenta bashkëngjitur