Studimet

• Ndërmjetës i Pasurive të Paluajtshme

Universiteti Mesdhetar i Shqipërisë është licensuar me Urdhër të Ministrit të Drejtësisë së Republikës së Shqipërisë me Nr. 214, dt.22.04.2024, si një nga Institucionet e Arsimit të Lartë në vendin tone për të zhvilluar: Programin e detyrueshëm të trajnimit për kandidatët për ndërmjetës të pasurive të paluajtshme.

Ky programi i përgatit kandidatët si specialistë të aftë për të vepruar në tregun imobiliar me njohuri të plota juridike, ekonomike dhe praktike. Ai përfshin modulin e vlerësimit të pronave, procedurat e shitblerjes, qirasë dhe këmbimit, si dhe aspektet e regjistrimit në Zyrën e Regjistrimit të Pasurive të Paluajtshme. Kursantët njihen me legjislacionin përkatës, detyrimet tatimore, si dhe me rregullat e etikës profesionale.

Programi përfshin trajnime në:

• Negocimi dhe komunikimi në pasuritë e paluajtshme;
• Legjislacioni mbi tatim-taksat;
• Njohuri rreth të drejtës civile dhe tregtare;
• Etika profesionale, ndërmjetësimi dhe profesionet e lira;
• Praktikë;
• Parimet themelore të vlerësimit të pronave, menaxhimit dhe mirëmbajtjes së tyre;
• Veprat penale ndaj pasurive të paluajtshme, krimi i organizuar dhe pastrimi i parave;
• Regjimi juridik i pasurive të paluajtshme;
• Hartim kontratash;
• Marketimi dhe shitja (Marketingu Digjital).

Përmes rasteve praktike, pjesëmarrësit mësojnë të menaxhojnë marrëdhëniet ndërmjet palëve dhe të kryejnë ndërmjetësime transparente. Në përfundim, të këtij trajnimi zhvillohet testimi i cili kërkon që kandidatët të arrijnë të paktën 80% të pikëve me qëllim që të rezultojnë fitues. Pas kalimit të testimit pjesëmarrësit janë të përgatitur për të aplikuar për licencim pranë Ministrisë së Drejtësisë sipas kërkesave ligjore kombëtare. Ky program i detyrueshëm i trajnimit përveç mundësisë për tu licensuar si ndërmjetës ofron edhe një bazë të fortë për ndërtimin e një karriere të qëndrueshme në fushën e pasurive të paluajtshme.

Dokumenta bashkëngjitur