Studimet

Ky trajnim profesional përgatit ekspertë të kualifikuar në fushën e sigurisë kibernetike, duke ofruar njohuri të thelluara mbi mbrojtjen e infrastrukturave kritike, rrjeteve dhe sistemeve të informacionit. Programi përfshin realizimin e 20 orëve në total dhe mbulon konceptet bazë dhe të avancuara të cybersecurity, përfshirë

• identifikimin e kërcënimeve,
• menaxhimin e rreziqeve,
• sigurinë e rrjetit,
• kriptografinë,
• parandalimin e sulmeve kibernetike dhe reagimin ndaj incidenteve.

Pjesëmarrësit njihen me praktikat më të mira të industrisë për

• mbrojtjen e të dhënave,
• sigurinë e informacionit në institucionet publike dhe kompanitë private,
• si dhe zbatimin e standardeve ndërkombëtare (ISO 27001, NIST, GDPR).

Trajnimi përfshin gjithashtu etikën në sigurinë kibernetike, menaxhimin e konflikteve të interesit në kontekstin e sigurisë, dhe parandalimin e rreziqeve nga sulmet e brendshme dhe të jashtme. Programi i këtij trajnimi ndërthur leksionet teorike me ushtrime praktike, simulime të sulmeve kibernetike, analiza të rasteve reale dhe përdorimin e mjeteve profesionale të mbrojtjes kibernetike. Pjesëmarrësit zhvillojnë aftësi të aplikuara në identifikimin dhe menaxhimin e rreziqeve, përgjigjen ndaj incidenteve, dhe sigurimin e integritetit, konfidencialitetit ASRGHH dhe disponueshmërisë së informacionit.

Në përfundim të trajnimit zhvillohet testimi përkatës referuar moduleve të zhvilluara, dhe pjesëmarrësit pajisen me certifikim të njohur nga Agjencia Kombëtare e Arsimit, Formimit Profesional dhe Kualifikimeve në Republikën e Shqipërisë. Trajnimi gjithashtu ofron mundësinë për të ndërtuar rrjete profesionale me ekspertë të fushës dhe kolegë nga sektori publik dhe privat, duke forcuar aftësitë vendimmarrëse dhe menaxheriale në fushën e sigurisë kibernetike.