Pranimet

Transferimet nga një IAL publik ose jopublik në UMSH, kryhen brenda të njëjtit cikël studimi, në programe të njejta ose të ngjashme të ciklit të pare, të dytë, të integruara të ciklit të dytë ose në ato profesionale. Programet e studimit nga të cilat student kërkon të transferohet duhet të jenë të licensuara dhe akredituara.

Kandidatët që aplikojnë për transferim studimesh plotësojnë kriterin e notës mesatare të përcaktuar me vendim të Këshillit të Ministrave për vitin përkatës akademik.

Në rastet e transferimit të studimeve nga brenda ose jashtë vendit, në vitet e ndërmjetme të programeve të studimit, brenda të njëjtit cikël, studentët duhet të plotësojnë kriterin e notës mesatare të përcaktuar me vendimin përkatës të Këshillit të Ministrave të vitit akademik që studenti është pranuar në institucionin e arsimit të lartë, duke filluar nga viti akademik 2016-2017 dhe në vijim.

Nuk mund të pranohen aplikime për transferime gjatë vitit akademik.

Kandidatët që aplikojnë për transferim të studimeve apo për program të dytë studimi duhet të plotësojnë kriteret e përcaktuara nga institucionet e arsimit të lartë për programet e studimit për të cilët aplikojnë.

Kandidati nuk duhet të jetë duke ndjekur një tjetër program studimi. Aplikimi për transferim studimesh, mund të bëhet nga një program studimi i njëjtë ose i ngjashëm i të njëjtit cikël edhe lloj, të ndjekur nga kandidati në IAL-të publike ose në IAL-të jopublike të licencuara dhe të akredituara për programin përkatës të studimit, vendase apo të huaja.

Nuk mund të kryhen transferime studimesh nga një nivel cikli studimesh apo të Kornizës Shqiptare të Kualifikimeve në një tjetër. Në këtë kuadër nuk mund të kryhen transferimе studimesh nga programet e studimeve dy-vjeçare me karakter profesional në programe të ciklit të parë "Bachelor" dhe në programe të integruara të studimeve të ciklit të dytë "Master i shkencave".

Hapat që ndiqen në procedurën e transferimit në UMSH

1. Aplikanti kryen aplikimin online (APLIKO KËTU) 
2. Komisioni ad hoc sipas fushave përkatëse vlerëson dosjen e aplikantit dhe kryen procesin e ekuivalentimit të krediteve.
3. Aplikanti njihet me ekuivalentimin dhe njohjen e krediteve nga ana e Komisionit.
4. Aplikanti pasi ka pranuar ekuivalentimin e krediteve, kryen çregjistrimin nga IAL-ja ku kryente studimet.
5. Aplikanti dorëzon dokumentacionin e plotë për të finalizuar trasnferimin në UMSH