Studimet

Ky trajnim profesional përgatit ekspertë të kualifikuar në zhvillimin e softwerit duke përdorur gjuhën programuese Python, duke ofruar njohuri të thelluara mbi konceptet bazë dhe të avancuara të programimit, zhvillimin e aplikacioneve dhe automatizimin e proceseve në sektorin publik dhe privat. Programi përfshin realizimin e 20 orëve në total dhe mbulon tematika si

• strukturat e të dhënave,
• kontrolli i rrjedhës,
• funksionet dhe modulet,
• programimi objekt-orientuar,
• menaxhimi i paketave dhe bibliotekave,
• zhvillimi i aplikacioneve web dhe desktop, si dhe integrimi me bazat e të dhënave.

Pjesëmarrësit njihen me praktikat më të mira të industrisë për zhvillimin e softuerit të qëndrueshëm dhe të sigurt, përdorimin e bibliotekave dhe framework-eve si Django, Flask, Pandas, NumPy, dhe praktikat e testimit dhe debugimit të aplikacioneve. Trajnimi përfshin gjithashtu etikën në zhvillimin e softuerit, sigurinë e kodit dhe menaxhimin e projekteve softuerike sipas standardeve ndërkombëtare. Programi i këtij trajnimi ndërthur leksionet teorike me ushtrime praktike, zhvillim dhe testim të aplikacioneve reale, përdorimin e mjeteve dhe platformave profesionale për menaxhimin e kodit dhe projekteve (p.sh., Git, GitHub), si dhe implementimin e zgjidhjeve softuerike të aplikueshme menjëherë në punë. Pjesëmarrësit zhvillojnë aftësi praktike në krijimin e aplikacioneve, automatizimin e proceseve dhe zgjidhjen e problemeve të kompleksitetit të ndryshëm me Python.

Në përfundim të trajnimit zhvillohet testimi përkatës referuar moduleve të zhvilluara, dhe pjesëmarrësit pajisen me certifikim të njohur nga Agjencia Kombëtare e Arsimit, Formimit Profesional dhe Kualifikimeve në Republikën e Shqipërisë. Trajnimi gjithashtu ofron mundësinë për të ndërtuar rrjete profesionale me ekspertë të fushës dhe kolegë nga sektori publik dhe privat, duke forcuar aftësitë vendimmarrëse dhe menaxheriale në zhvillimin e softuerit me Python.