Studimet

Programi i trajnimit professional ”Administrator Falimenti” synon aftësimin teorik, praktik dhe profesional në fushën e Administratorit të falimenti. Ky trajnim është i domosdoshëm por ata kanë detyrimin ligjor për të ndjekur trajnime profesionale të formimit të vazhdueshëm në fushën e administratorit të falimentit.

Objektivi i trajnimi është njohja me normat ligjore dhe praktikat gjyqësore gjatë ndjekjes së një procedure falimentit. Trajnimi profesional për “Administrator falimenti” ka për qëllim që t’i japë një informacion të plotë dhe bashkëkohor specialistit, se çfarë ndodh nëse detyrimet e një subjekti tregtar tejkalojnë fitimet e tij. Kreditimi është një tipar kryesor i ekonomisë moderne të tregut. Një përkujdesje e veçantë do t’i jepet disiplinës së falimentit dhe proceseve të veçanta për hapjen e procedurës së falimentimit. Gjithashtu do të trajtohet rolin dhe veçoritë e hetimit e gjyqësor në gjykimin e çështjeve që kanë të bëjnë me falimentin.

Përsa më sipër, trajnimi synon të trajtojë zgjidhjet që legjislacioni aktual ofron, duke u fokusuar tek dy mundësitë brenda të njëjtës procedurë: hapjen e një procedure falimenti ose zbatimin e një plani riorganizimi, pas miratimit të tij sipas kritereve të përcaktuara nga ligji.

Trajnimi jep një informacion të detajuar në lidhje më praktikat e falimentimit, ajo prezanton rregullat: se kur subjekti është i paaftë për të paguar ose është i mbingarkuar me borxhe; subjektet që legjitimohen për të kërkuar hapjen e procedurës; vendimet e gjykatës (vendime të ndërmjetme ose përfundimtare); kompetencat e organeve të falimentit; mënyrën e miratimit të planit të riorganizimit; realizimin e tij; përfundimin e procedurës etj.

Modulet e këtij programi do të gërshetojnë njohuritë teorike dhe praktike të nevojshme për ushtrimin e profesionit. Ajo që do të mësohet teorikisht, gjatë trajtnimit do të ushtrohet praktikisht nëpërmjet workshopeve, diskutimeve dhe punës në grup. Ky trajnimi përbëhet gjithsej nga 60 orë dhe është i ndarë në disa module.

Tarifa e trajnimin për administrator falimenti është 30 000 (tridhjetë mijë) lekë.

Me përfundimin e programit të trajnimit profesional, administratori i falimentit do t’i nënshtrohet provimit me shkrim me kohëzgjatje 2 orë, ku do të testohen njohuritë e përfituara gjatë trajnimit. Vlerësimi maksimal do të jetë me 100 pike, nga të cilat kandidati duhet të marrë të paktën 80% të tyre në mënyrë që të kalojë me sukses provimin.

Nëse kandidati nuk kalon me sukses provimin, ka të drejtë të marrë pjesë në provimin e ardhshëm, pasi ka përsëritur programin e trajnimit.

Me kalimin me sukses të provimit do të lëshohet çertifikata e vlerësimit nga UMSH e cila dëshmon se kandidati ka kaluar me sukses testin e njohurive dhe ka fituar aftësitë e nevojshme pas përfundimit të programit të trajnimit.

Kandidatët do të pajisen me çertifikatën përkatëse, e cila nënshkruhet nga Rektori i UMSH.

Në çertifikatë shënohet emri, mbiemri, pikët e provimit për kontrollin e njohurive, data e lëshimit dhe numri rendor i çertifikatës, nënshkrimi i drejtuesit dhe vula e institucionit trajnues.

Dokumenta bashkëngjitur