AKTIVITETE

Universiteti Mesdhetar i Shqipërisë u bë pjesë e panairit të organizuar nga zyra e Delegacionit Europian në Shqipëri EU4Education Fair. Pedagogët dhe studentët e UMSH ishin pjesë aktive e këtij panairi, ku u prezantuan projektet e financuara nga Komisioni Europian në të cilat UMSH është pjesë. Komisioni Europian i ka besuar Universitetit Mesdhetar , si lider i një konsorciumi kombëtar dhe ndërkombëtar universitetesh, zbatimin e projektit U-SIA, financuar plotësisht nga fondet europiane. Stendën e Universiteti Mesdhetar të Shqipërisë, pjesëmarrës në panair mes 17 universiteteve të tjera, e vizitoi Ambasadori i BE-së në Tiranë, Luigi Soreca.

“Krenar që shoh kaq shumë programe të financuara nga BE duke prezantuar në Europë House mundësinë e tyre për të rinjtë shqiptarë për të studiuar në Be, - u shpreh Ambasadori i BE. Ai theksoi se mënyra më e mirë për të investuar në Shqipëri është investimi në arsim. Dhjetra maturantë pjesëmarrës në Panair, u informuan gjithashtu mbi aktualitetin, UMSH ka të hapur një numër të madh thirrjesh për shkëmbime studentore dhe për stafin në kuadër të projektit Erasmus+ KA107 në shumë vende të Europës!

UMSH është në fazën e hartimit të marrëveshjeve të reja ICM me një numër universitetesh të tjera nga Spanja, Çekia, Polonia, Italia, për të ofruar mundësi të mëdha pjesëmarrje për studentët në programin Erasmus+.