Të Reja

Intesa SanPaolo Bank nënshkroi sot një memorandum bashkëpunimi me Universitetin Mesdhetar të Shqipërisë, në kuadër të shkëmbimeve akademike dhe profesionale midis dy intitucioneve.  

Në ceremoninë e nënshkrimit të marrëveshjes, në mjediset e UMSH, morën pjesë Rektori i UMSH - Prof.Dr. Adrian Civici, Zv. Rektore e UMSH Prof.Asoc.Dr. Greta Angjeli, Administratori - Z. Ilir Hebovija dhe Drejtoresha e Programeve Master - Prof.Asoc.Dr. Orkida Ilollari, nga Banka IntesaSanpaolo morën pjese Drejtoresha e Burimeve Njerëzore dhe e Organizmit Znj Entela Zigori, Znj. Alketa Haxhialiu si dhe drejtues të tjerë të bankës.

Rektori i Universitetit Mesdhetar të Shqipërisë Prof.Dr Adrian Civici e cilësoi shumë të rëndësishme këtë marrëveshje për shkëmbimin e eksperiencës midis stafit akademik dhe ekspertëve të Intesa Sanpaolo Bank, për organizimin e studimeve të përbashkëta ose studime tregu.

Nëpërmjet kësaj marrëveshjeje, Universitetit Mesdhetar i Shqipërisë do të ofrojë kualifikime të mëtejshme për zhvillimin e stafit të IntesaSanpaolo Bank  nëpërmjet programeve të studimit master dhe trajnimeve të ndryshme.

Në këtë takim u kërkua nga Drejtoresha e Programeve Master, Prof. Asoc.Dr Orkida Ilollari, zhvillimi i leksioneve të hapura nga ekspertë të bankës IntesaSanpaolo që të ofrojnë ekspertizën e tyre profesionale për studentët e UMSH.

Drejtoresha e Burimeve Njerezore dhe e Organizmit Znj Entela Zigori, u shpreh e gatshme që në kuadër të këtij bashkëpunimi, studentët e Universitetit Mesdhetar të Shqipërisë të mirëpriten pranë IntesaSanpaolo Bank për të kryer praktika profesionale si dhe të kenë mundësi të bëjnë kërkimet e tyre për punimin e temave të diplomës.

Universiteti Mesdhetar i Shqipërisë, ka në fokus bashkëpunimet afatgjata me korporatat edhe bizneses ne vend duke afruar më shumë studentët me biznesin dhe i ndihmojne ata të aftësohen dhe të përgatiten për tregun e punës, pas përfundimit të studimeve.