Të Reja

Ministri i Drejtësisë Ulsi Manja, mbajti sot në Universitetin Mesdhetar të Shqipërisë, një leksion të hapur me studentë dhe pedagogë të Fakultetit të Drejtësisë dhe Shkencave Humane. “Drejtësia në optikën e reformës aktuale dhe luftës kundër korrupsionit”, ishte tema e këtij leksioni. “Tashmë jemi në fazën e dytë të zbatimit të kësaj reforme që është konsolidimi i sistemit të drejtësisë në Shqipëri,spese janë institucione të reja, një pjesë të krijuara rishtazi, por nëse do të me duhet ti rikthehem fazës së parë të zbatimit të reformës dhe cila ishte risia më e madhe që ajo solli, do të veçoja vettingunsi shtyllën kryesore të reformës”, u shpreh ndër të tjera Ministri i Drejtësisë, duke theksuar se ky process nuk është vetë reforma, ajo është  shumë më shumë se kaq.  Ministri i Drejtësisë veçoi se një tjetër risi e reformës  është edukimi ligjor. “Ne për shkak të reformës në drejtësi, kemi parashikuar një strategji të edukimit ligjor e cila është në fazat e para, pasi për ne nuk mjafton vetëm të kemi një arkitekturë të re të sistemit të drejtësisë, por duhet që edhe edukimi ligjor të jetë në nivele të larta”, theksoi Ministri Manja, gjatë leksionit të hapur.