Të Reja

Ambasadori i Shtetit të Kuvajtit në Shqipëri, H. E. Dr. Faisal S. Al Musaileem u prit në takim nga Presidenti i Universitetit Mesdhetar të Shqipërisë, Akademik. Prof. Dr. Anastas Angjeli. 

Universiteti Mesdhetar është lider në bashkëpunimin me universitetet e rajonit mesdhetar, vecanërisht me Shtetin e Kuvajtit dhe ka shumë vullnet për ta shtrirë dhe diversifikuar këtë bashkëpunimin në shkëmbimin e programeve, studentëve dhe akademikëve në fushat me interes të ndërsjelltë, ishte kryefjala e bisedës së Profesor Angjelit me Ambasadorit të Kuvaitit. 

Qendra e Fondacionit Kulturor Abdulaziz Saud Albabtain për një Paqe të Drejtë në UMSh është një urë e rëndësishme në kuadër të bashkëpunimit jo vetëm mes universiteteve dhe Shqipërisë e Kuvajtit por edhe mes Shqipërisë dhe vendeve arabe, në fushën universitare, akademike, të trashëgimisë dhe kulturës, nënvizoi Profesor Angjeli. 

H. E. Dr. Faisal S. Al Musaileem vlerësoi marrëdhëniet e shkëlqyera mes dy vendeve dhe shprehu gatishmërinë për të nxitur më tej marrëdhëniet edhe në nivelin universitar dhe akademik dhe vlerësoi rolin e Qendrës së Fondacionit Kulturor “Albabtain” për një Paqe të Drejtë dhe të Drejtorit të saj dhe Pro-Rektorit të Universitetit Mesdhetar të Shqipërisë Prof. Ass. Dr. Arben Cici. 

Më pas H. E. Dr. Faisal S. Al Musaileem vizitoi ambientet e qendrës ku u informua gjatë për aktivitetin e saj dhe programin e mundshëm gjatë vitit akademik 2022-2023.