Të Reja

Themeluesi i Universiteti Mesdhetar të Shqipërisë, Akademik Prof.Dr, Anastas Angjeli së bashku me Zv. Rektorët Nevila Rama, Përparim Kabo dhe Dekanin e Fakultetit të Shkencave Jurdike dhe Humane Ksenofon Krisafi dhe përfaqësues të tjerë të stafit akademik, mirëpritën sot në një takim studiuesen e njohur bullgaro-amerikane Maria Nikolaeva Todorovam e cila shoqërohej në këtë takim nga studiuesja Eda Derhemi.

Profesor Angjeli e njohu studiuesen me zhvillimin e UMSH-së, qëllimet për një cilësi sa më të lartën mësimdhënie dhe përshtatje me kërkesat e tregut brenda dhe jashtë Shqipërisë. Në këtë kontekst Prof. Angjeli vuri theksin mbi ecurinë e ndërkombëtarizimit të Universitetit Mesdhetar dhe bashkëpunimin me universitetet europiane dhe ato amerikane.

Gjatë takimit nga studiuesit e pranishëm u diskutua për vendet e Ballkanit, historinë dhe zhvillimin e tyre dhe projektimit të së ardhmes së përbashkët në një rajon me dinamika sfiduese dhe që përjeton konflikte të thekshme edhe në ditët e sotme. Profesor Todorova ndau detaje interesante në lidhje me botimet e saj dhe punën e saj kërkimore.

Profesor Maria Todorova u bë e njohur ndërkombëtarisht me librin e saj “Imagining the Balkans”, i përkthyer në të gjitha gjuhët e popujve të rajonit dhe në shumicën e gjuhëve europiane. Emri i saj renditet krahas mendimtarëve bashkëkohorë më të shquar të botës. Studimet e Maria Todorovës kanë ndikim të fuqishëm metodologjik te disa breza me radhë të studiuesve të sotëm, sidomos për hierarkitë e qytetërimeve, kuptimin e orientalizmit dhe oksidentalizmit, njohjen dhe vetënjohjen e ballkanasve, dukuritë e ballkanizuara për shkaqe historike e gjenetike, kuptimin ballkanik për jetën dhe ditën, historinë dhe të ardhmen.Maria Todorova është profesore e ftuar dhe profesore vizitore në një shumicë vendesh të Botës; mban tituj të lartë shkencorë dhe nderime publike.