Të Reja

Universiteti Mesdhetar i Shqipërisë nënshkroi marrëveshjen e bashkëpunimit me Confindustria Albania. Marrëveshja u firmos sot nga Rektori i Universitetit Mesdhetar të Shqipërisë, Adrian Civici dhe Presidenti i Confindustrias Dr. Sergio FONTANA. Falë kësaj marrëveshje studentët e Universitetit Mesdhetar të Shqipërisë do të kryejnë praktikat profesionale dhe do të kenë mundësi punësimi në kompani Italiane me të cilat Confindustria ka partneritet. Nga ana tjeter Universiteti Mesdhetar i Shqipërisë do të ofrojë mundësinë për kualifikime afatgjata të ciklit Master Profesional dhe Master Shkencor për stafin dhe kompanitë anëtare të Confindustria Albania. Një tjetër pikë e marrëveshjes do të jetë partneriteti për pjesëmarrje në projekte kombëtare dhe ndërkombëtare. Gjithashtu Universiteti Mesdhetar i Shqipërisë do të krijojë mundësira për organizimin e leksioneve të hapura ndërsa Confindustria Albania do të mundësojë drejtues dhe ekspertë të fushave përkatëse për pjesëmarrjen në leksione të hapura.