Rreth nesh

Universiteti Mesdhetar i Shqipërisë, i akredituar në të gjitha programet e tij është një nga institucionet më elitare të arsimit të lartë në Shqipëri. Prej më shumë se një dekade, Universiteti Mesdhetar i Shqipërisë ka diplomuar qindra të rinj në fushën e: Ekonomisë, Drejtësisë, Shkencave Psikosociale, Shkencave Mjeksore, Arsimit, Shkencave Politike dhe Marrëdhënieve Ndërkombëtare.

Filozofia e Universitetit Mesdhetar për të ofruar dije me standarde që drejtojnë studentët në integrimin e shpejtë në tregun e punës, mbetet pika jonë më e fortë gjatë këtyre viteve. Universiteti Mesdhetar ofron Progamet e studimit: Bachelor, Master, Doktoraturë si dhe Programet profesionale dy vjeçare, duke plotësuar kështu gamën e plotë për të gjitha ciklet.

Stafi akademik i Universitetit Mesdhetar është i specializuar në Universitetet më të njohura brenda dhe jashtë vendit. Ndërthurja mes ekspertëve me experience të fushave te ndryshme shkencore dhe të rinjve bën që pedagogët e Universitetit Mesdhetar, të përcjellin dije të qenësishme dhe një frymë bashkëkohore tek studentët.

Kurrikulat e programeve të studimit, politika reale e bursave për studentët tanë, tarifat konkurruese për tregun e arsimit të lartë, infrastruktura moderne si dhe pozicionimi në qendër të Tiranës e bëjnë Universitetin Mesdhetar, mundësinë e shkëlqyer për çdo student. UMSH ka perfshire ne strategjine e tij 10 vitet e ardhshme zhvillime dhe transformime te rendesishme

Strategjia e Zhvillimit 2025–2032 e Universitetit Mesdhetar të Shqipërisë përfaqëson një dokument themelor, i cili vendos bazat për një transformim të thellë dhe gjithëpërfshirës institucional, akademik dhe shoqëror. Ky dokument nuk kufizohet vetëm në përcaktimin e objektivave afatshkurtra, por synon të artikulojë një vizion strategjik, që e pozicionon universitetin si një aktor kryesor në hartën akademike shqiptare, rajonale dhe evropiane. Në thelb, strategjia ndërthur tre dimensione kyçe që përbëjnë boshtin orientues të zhvillimit të institucionit:

• Harmonizimin me standardet evropiane të sigurimit të cilësisë, në përputhje me dokumentin themelor “Standards and Guidelines for Quality Assurance in the European Higher Education Area – ESG 2015”;
• Përshtatjen e programeve dhe kërkimit shkencor me dinamikat e tregut shqiptar, rajonal dhe europian të punës, duke synuar rritjen e punësueshmërisë dhe transferimin e njohurive në funksion të zhvillimit ekonomik e shoqëror;
• Integrimin e prirjeve globale në arsimin e lartë, ku spikat digjitalizimi (përfshirë përdorimin e Inteligjencës Artificiale), tranzicioni drejt zhvillimit të qëndrueshëm dhe ndërkombëtarizimi i thelluar i universiteteve.

Universiteti Mesdhetar i Shqipërisë afirmon vizionin për t’u konsoliduar, deri në vitin 2032, si një universitet cilësor në Shqipëri dhe rajon, i njohur e vlerësuar për standardet akademike dhe për rolin e tij si aktor i rëndësishëm i zhvillimit në tregun universitar shqiptar dhe më gjërë. Strategjia e zhvillimit përfaqëson jo vetëm një udhërrëfyes institucional, por edhe një angazhim të qartë për të përmbushur misionin e universitetit si qendër e dijes, kërkimit shkencor, formimit profesional dhe qytetar.