Të Reja

Universiteti Mesdhetar i Shqipërisë nënshkroi sot,  marrëveshjen e bashkëpunimit me National Aviation University të Ukrainës. Dy Universitetet, do të bashkëpunojnë në disa fusha, ku në  fokus do të jetë shkëmbimi i stafit akademik dhe studentëve, organizimi dhe implementimi i projekteve të përbashkëta dhe shkëmbimi i informacioneve në fushën e kërkimit shkencor. Nga ana tjetër, do të bashkëpunohet për shkëmbimin e publikimeve të ndryshme si dhe organizimin e aktiviteteve  të përbashkëta si webinaret, seminaret e konferencat. Marrëveshja u firmos nga rektorët e dy Universiteteve, Adrian Civici dhe Volodymyr Isaienko.