Të Reja

Studentët e UMSH, përfaqësuan denjësisht Fakultetin e Shkencave Juridike dhe Marrëdhënieve Ndërkombetare duke u kualifikuar në gjysm finalen e konkursti të organizuar nga Qendra Europiane dhe Civil Right Defenders. Për të pestin vit radhazi konkursi “Moot Court Competition - Albania 2018” organizohet me studentët e fakulteteve të drejtësisë në rang vendi. Qëllimi i kësaj inciative është të ndihmojë studentët të vendosin në praktikë dhe të thellojnë më tej njohuritë e tyre në fushën e të drejtave të njeriut, veçanërisht mbi Konventën Evropiane për të Drejtat e Njeriut (KEDNJ) dhe jurisprudencën e Gjykatës së Strasburgut. Universiteti Mesdhetar i Shqiperise, Fakulteti i Shkencave Juridike dhe Marrëdhënieve Ndërkombetare mori pjese për herë të tretë në këtë konkurs. Nën udhëheqjen e pedagogut të UMSH, Dr/proc. Arben Prifti studentët e perzgjedhur, arritën të grumbullojnë 77 pikë. Në këtë aktivitet te rëndësishëm, në nivel kombëtar në fushën e Konventës për të drejtat e njeriut studentet pjesëmarrëse: Eva Ballushi, Klodiana Gjonaj, Joana Xhafa, Sofjela Boga, Kostandina Idrizaj, dhe Sara Senja, kanë përgëzimet e UMSH për punën me pasion e këmbëngulje, për një muaj dhe për paraqitjen dinjitoze dhe shembullore të tyre para Gjykatës kompetente.