Mbrojtja e mjedisit, Këshilli studentor i bashkohet nismës “Ocean Initiatives”

Pesë vende në të njejtën ditë dhe orë përveç mesazheve sensibilizuese për mbrojtjen e mjedisit, kanë kryer në terren pastrimin e disa zonave të ndotura bregdetare. Nismës së Ocean Initiatives (program ndërkombëtar që bën bashkë vullnetarë në pastrimin plazheve, liqeneve dhe lumenjve) dhe AJCM, e cila bën bashkë të rinjtë e vendeve në hapsirën mesdhetare , iu bashkuan studentët e Universitetit Mesdhetar të Shqipërisë. Ata ishin sot në Durrës për të pastruar nga mbeturinat plazhin e Golemit njësoj si të rinjtë në Francë,Marok,Tunizi,Qipro,Algjeri. Përgjegjësia Sociale dhe vullnetarizmi janë dy pika të forta të Universitetit Mesdhetar të Shqipërisë, i cili përveç dijes synon të edukojë të rinjtë në mbrojtjen e mjedisit si dhe dhënien e kontributit për një Shqipëri më të mirë e me standarde europiane