Të Reja

Universiteti Mesdhetar mirëpriti për tre ditë me rradhë, dy profesoresha të nderuara të Universitetit të Bolonjës, të cilat zhvilluan leksione të hapura për studentët e fakultetit të drejtësisë. Prof. Alessia Legnani Annichini zhvilloi lekisonin e hapur me temë " Europa e pluralizmit normativ: bashkëjetesa e burimeve normative“dhe leksionin me temë :“Nga dimensioni europian në atë nacional, sesioni i kodeve në Itali“. Dott. Damigela Hoxha zhvilloi leksionin e hapur me temë " Kodifikimi italian i shekullit të Njëzetë dhe ndikimi i tij në legjislacionin shqiptar.Damigela Hoxha është larguar nga Shqipëria në moshën 14 vjeçare dhe aktualisht jep mësim në Universitetin e Bolonjës. Universiteti Mesdhetar pritet të nënshkruajë së shpejti një marrëveshje bashkëpunimi me Universitetin e Bolonjës, e cila do të ketë në fokus shkëmbimin e pedagogëve , studentëve dhe eksperiencave mes dy universiteteve.