Të Reja

Universiteti Mesdhetar i Shqipërisë duke vazhduar traditën e leksioneve të hapura të zhvilluara nga personalitete të shquara të botës akademike, politikës dhe ekonomisë kishte të ftuar znj. Sophia Philipidou Ambasadore e Republikës së Greqisë në Shqipëri dhe z. Charalampos Papadopoulos Sekretari i parë i Ekonomisë dhe Tregëtisë i Ambasadës së Republikës së Greqisë në Shqipëri.
Akademik Prof. Dr. Anastas Angjeli në fjalën e tij përshëndetëse i uroi të ftuarve mirëseardhjen në Universitetin Mesdhetar të Shqipërisë dhe vuri në dukje rëndësinë që organizime të tilla kanë për studentët dhe për Universitetet në tërësi.
Znj. Philippidou në fjalën e saj u fokusua në rolin që ambasadat luajnë në botën e globalizuar si dhe në ndryshimet qe roli i tyre ka pësuar dhjetëvjecarët e fundit si pasojë e zhvillimeve teknologjike si dhe dinamikave të sistemit ndërkombëtar dhe procesit politik në tërësi.
Z. Papadopulos u fokusua në rëndësinë e promovimit të sipërmarrjes të të rinjve dhe dha shembuj konkretë nga Greqia dhe nga rajoni.
Në vazhdim studentët dhe pedagogët u drejtuan pyetje të ftuarve.