Të Reja

Me ftesë të Fondacionit Kulturor “Abdulaziz Saud AlBabtain” Presidenti i Universitetit Mesdhetar Akademik Prof. Dr. Anastas Angjeli si dhe drejtues të Universitetit morën pjesë në zhvillimet e edicionit të dytë të “World Forum for Culture of Peace” që u zhvillua në Maltë në datat 3-4 Mars 2022 nën kujdesin e Presidentit të Maltës ShTZ. George Vella. 
Të ftuar dhe kontribues në këtë forum ishin edhe Presidentë nga vendet e tjera, përfshirë Sekretarin e  Përgjithshëm të Kombeve të Bashkuara Antonio Guterres, Presidentin e Maltës George Vella, Presidentin e Shqipërisë Z. Ilir Meta, Presidenten e Kosovës Znj. Vjosa Osmani, ish-Presidentin i Kroacisë Stepjan Mesic, Krytari i Assamblesë së Kuvajtit Z. Marzouq Ali Mohammed Al-Ghanim, Kryetari i Parlamentit të Maltës Anglu Farrugia, nën-kryetari i Parlamentit të Estonisë Hanno Pevkur, Sekretari i Përgjithshëm i Këshillit për Bashkëpunim i Vendeve Arabe, Rektori i Universitetit të Maltës Alfred Vella, akademik nga vendet e rajonit, eurodeputetë, politikanë vendas, etj. 
Në këtë forum u diskutua mbi rolin e lidershipit global për ndërtimin e paqes në botë ku një theks i veçantë u vendos mbi nevojën për të pasur sa më shumë dialog mbi të gjitha çështjet e problematikat ekzistuese dhe krijimin e kanaleve të komunikimitdhe bashkëpunimit nga të gjithë aktorët e shoqërisë si dhe një rol më të madh dhe të shtuar të botës akademike.