Home > Të reja > Aktivitete > Aktivitete 2022

Promovimi, historiani i njohur Paskal Milo sjell librin e ri “Shqiptarët në Luftën e Dytë Botërore”

U promovua sot në ambientet e Universitetit Mesdhetar të Shqipërisë libri  ”Shqiptarët në Luftën e Dytë Botërore”, i historianit të njohur,  Prof. Dr, Paskal Milo.   Mes akademikësh, pedagogësh e studentësh, një panel i përzgjedhur miqsh e studiuesish vlerësoi këtë libër  të Drejtorit të Shkollës Doktorale në Universitetin Mesdhetar të Shqipërisë. “Është një libër që nëpërmjet hulumtimit të thellë sjell mjaft të reja dhe risi.  Nuk kemi të bëjmë vetëm me një çështje të pasqyrimit të fakteve por me interpretimin e tyre. Në këtë mënyrë përcaktohet roli i të gjithë aktorëve gjatë luftës Nacional Çlirimtare, sidomos atyre që mbajtën peshën kryesore. Libri ka padyshim vlera historike,  hedh dritë në shumë skuta që kishin mbetur të errëta deri me sot”, u shpreh themeluesi i UMSH-së, Akademik, Prof.Dr Anastas Angjeli. Themeluesi i UMSH-së, përgëzoi autorin e librit, duke nënvizuar se  debatet mbi këtë libër janë gjithashtu vlerë e shtuar e tij.  “Metodologjia e përdorur është sa e thjeshtë në pikëpamjen e ndërtimit strukturor çka i mundëson lexuesit të ndjekë me lehtësi tematikën, po ashtu  edhe aq e plotë në trajtimin e zhvillimeve politike, ushtarake, në të gjithë harkun kohor të marrë në studim. Burimet arkivore si dhe literature e bollshme e përdorur, nga Profesor Milo bën që të kemi sot në duar një punim shkencor solid”, u shpreh historiani  , Marenglen Kasmi. Studiuesi dhe Pedagogu i Universiteti Mesdhetar të Shqipërisë, Edon Çezari gjithashtu vlerësoi këtë libër, për të rejat që sjell dhe  të vërteta që përcjell. Vetë autori i librit, përveç falenderimeve për kolegët u shpreh se ky libër ka qenë njëkohësisht sfidë e kënaqësi. “Shkalla e përballimit të kësaj sfide me ballafaqimin dhe gjykimin e lexuesit. Ky libër është përgatitur të presë orën e gjykimit të tij”, u shpreh Paskal Milo.

FAKULTETET

Shkenca
Ekonomike

Fakulteti i Shkencave Ekonomike përgatit ekonomistët e rinj, me konceptet bazë teorike të ekonomisë, financave, kontabilitetit, biznesit dhe ligjit, ekonomisë informatike, shprehitë e nevojshme praktike të ekonomiksit, menaxherit, financierit, bankierit, kontabilistit dhe specialistit të teknologjisë.

Shkenca Juridike dhe
Marrëdhënie Ndërkombëtare

Fakulteti i Shkencave Juridike dhe Marrëdhënieve Ndërkombëtare përgatit juristët dhe diplomatët e së ardhmes si specialistë të këtyre fushave, duke i pajisur me aparatin e nevojshëm teorik por edhe me njohuritë praktike, të cilët do të përballojnë sfidat e sistemit të drejtësisë dhe marrëdhënieve ndërkombëtare në vend.

Shkenca Psikologjike,
Sociale dhe Politike

Fakulteti i Shkencave Psikologjike, Sociale dhe Politike përgatit politologët, psikologët, analistët dhe funksionarët publikë me shprehitë praktike që i duhen një specialisti për të përballuar me sukses sfidat e mëdha të epokës në zhvillimin e kapaciteteve të institucioneve dhe modernizimin  e tyre.

Disa numra të rëndësishëm

  • 35+

    Programe

  • 150+

    Profesorë

  • 3500+

    Studentë

  • 85%

    Punësim