Të Reja

U zhvillua sot në ambientet e Universitetit Mesdhetar, ceremonia përkujtimore në nderim të jetës dhe veprës të Prof.Dr.Bashkim Rama, i cili humbi jetën disa muaj më parë. Për të nderuar figurën e tij, të pranishëm ishin familjarë të familjes Rama, themeluesi i Universitetit Mesdhetar të Shqipërisë Akademik Anastas Angjeli, përfaqësues së Ministrisë së Jashtme, historianë e diplomatë. “Në janar të vitit 1991, pata mundesinë të njoh Bashkimin e vërtetë. Bashkimin si njeri, si diplomat. Ai ka qenë për ne nje mik i çmuar , një njohës i jashtëzakoshëm i kulturës shqiptare , gjë që e dallonte nga diplomatët e tjerë’, u shpreh Angjeli. Miq të diplomatit gjithashtu rrëfyen episode nga jeta e tij të cilat flasin qartë, për vlerat e tij profesinale e njerëzore. Në studimet e Prof. Bashkim Ramës, diplomacia ishtë një fushë me interes të veçantë, sidomos sa i përket çështjeve të Ballkanit të cilat ai i njihte mjaft mire. “ Te arrije të përgatisje negociata mes Shqipërisë dhe Bashkimit Sovjetik të asaj kohe ishte një punë mjaft e vështirë të cilen Bashkim Rama diti ta bëjë në mënyrë të shkëlqyer”, u shpreh Ksenofon Krisafi, një tjetër diplomat i vjetër, dekan i Fakultetit të Shkencave Juridike dhe Humane në Universitetin Mesdhetar të Shqipërisë. Bashkëshortja e diplomatit e pranishme në ceremoni falenderoi përzemërsisht miqtë dhe të ftuarit që në këtë ceremoni përkujtimore risollën edhe njëherë kujtimin e tij.