Të Reja

Në kuadër të bashkëpunimit të Universitetit Mesdhetar të Shqipërisë me European Public Law Organization (EPLO), me qendër në Athinë, Drejtoresha e Programeve Mësimore të këtij institucioni Panoraia Spiliopoulou zhvilloi një vizitë pune në UMSH.
Gjatë kësaj vizitë Znj. Spiliopoulou mbajti një prezantim për stafin dhe studentët e UMSH për programet akademike dhe mundësitë e ofruara nga ky institucion. Ajo bëri një panoramë të përgjithshme dhe u fokusua mbi çështje të të Drejtës Europiane.

Më pas, Znj. Spiliopoulou zhvilloi një takim me Rektorin e UMSH Prof. Dr. Adrian Civici dhe një ekip pune në UMSH. Takimi u fokusua mbi krijimin e një programi të përbashkët studimi, bashkëpunimi në fushën e studimeve të ciklit të tretë, si dhe konferencat dhe evente të përbashkëta.

Znj. Spiliopoulou bëri të ditur se do të ofrohen 6 bursa për studentët dhe stafin e UMSH për të marrë pjesë në shkollat verore që do të organizohen në Athinë. Thirrja do të shpallet brenda pak ditësh dhe përzgjedhja do të realizohet nga UMSH.