Të Reja

Drejtuesit e Universitetit Mesdhetar të Shqipërisë, pritën në një takim dy përfaqësues të Universitetit Luiss Guido Carli. Maria Monica Annibaldis, Këshilltare për Afrikën, Mesdheun dhe Ballkanin 
dhe  Lorenzo Valeri, Drejtor i Pasdiplomimit, u njohën nga Presidenti i UMSH-së Akademik, Prof.Dr, Anastas Angjeli me ofertën akademike të Universitetit Mesdhetar të Shqipërisë, prioritetet për të ardhmen si dhe mundesitë e bashkëpunimit në vijim. Në takim ishte e pranishme,  Gerta Bilali, drejtoreshë e Confindustria Albania. Akademik Angjeli i njohu përfaqësuesit e Universitetit Italian, me arritjet e Universitetit Mesdhetar në kuadër të ndërkombëtarizimit ku theksoi se falë dhjetra marrëveshjeve UMSH po ofron mundësi shkembimi të stafit akademik dhe studentëve të tij. Përfaqësuesit e Universitetit Luiss Guido Carli, shprehën disponibilitet për të parë fushat dhe mundësitë e partneriteteve dhe bashkëpunimit mes dy Universiteteve.