Të Reja

Prezantohet në Universitetin Mesdhetar të Shqipërisë,  libri: "Tryezat e Ambasadorit", me autor ish ambasadorin italian në Shqipëri,  Paolo Foresti. Në një takim me pedagogë e studentë u ndanë detaje të librit nga vitet më të brishta të demokracisë shqiptare. Kujtimet e diplomatit italian,  i cili ka qenë ambasdador në Shqipëri deri në vitin e mbrapshtë 1997, janë kujtime që ngjallin kuriozitet dhe interes për të gjithë brezat. I shoqruar në këtë takim nga bashkëshortja,  vetë ambasadori u shpreh  se ato vite, ishin një histori për tu shkruar.  “‘Veçanërisht 97-ta ishte një histori për tu shkruar. Mund të them se gjeta shumë bashkëpunim nga liderat politikë të asaj kohe.  Kujtoj se së bashku punuam edhe fundjavave edhe në mbrëmje për ta arritur zgjidhjen që i krijuan mundësinë Shqipërisë që të ecte përpara pas konfliktit të armatosur ‘’, tha Foresti.

I njohur për rolin e ndërmjetësit mes partive dhe figurave politike të kohës, në libër ambasadori  rrëfen  takimet dhe bisedeimet e zhvilluara me ta.

Libri autobiografik “Tryezat e Amasadorit”  shoqërohet me fotografi vendesh e personazhesh, risi është edhe përshkrimi i menusë që shoqëronte këto tryeza.