Ndërkombëtarizimi

I ngarkuari me punë në Ambasadën e Shtetit të Kuvajtit në Shqipëri, zv/Shefi i Misionit, Mr. Adnan Alghunaim priti në takim Pro-Rektorin e Universitetit Mesdhetar të Shqipërisë, dhe Drejtorin e Qendrës Abdulaziz Saud Albabtain për Kulturën dhe Gjuhën Arabe, Prof. Ass. Dr. Arben Cici.

Profesor Cici prezantoi aktivitete e qendrës për vitin akademik 2024-25 dhe qëllimin e saj për përhapjen e kulturës, gjuhës e historisë arabe dhe promovimin e bashkëpunimit në shkëmbimin e programeve, studentëve dhe akademikëve në fushat me interes të ndërsjelltë mes Universitetit Mesdhetar të Shqipërisë dhe Universiteteve të Shtetit të Kuvajtit.

Bashkëpunimi i ngushtë me Ambasadën e Shtetit të Kuvajtit dhe ambasadave të tjera arabe në Shqipëri është pjesë e rëndësishme e aktivitetit të Qendrës, nënvizoi Profesor Cici duke shtuar se Qendra Abdulaziz Saud Albabtain për Kulturën dhe Gjuhën Arabe në UMSh mbetet një urë e rëndësishme e këtij bashkëpunimi, jo vetëm mes universiteteve të vendeve tona, por edhe mes Shqipërisë dhe të gjitha vendeve arabe, në fushën universitare, akademike, atë të trashëgimisë dhe kulturës.

Z. Adnan Alghunaim vlerësoi Qendrën Abdulaziz Saud Albabtain për Kulturën dhe Gjuhën Arabe dhe mbështeti aktivitetet e pritshme të saj për vitin akademic 2024-25 si një mundësi e jashtëzakonshme për të ndikuar pozitivisht në marrëdhëniet e shkëlqyera mes dy vendeve. Ai shprehu gatishmërinë për të bashkëpunuar në mënyrë që aktivitetet që do të zhvillohen të ndihmojnë promovimin e kulturës, historisë e gjuhës arabe në Shqipëri dhe forcimin e marrëdhënieve dypalëshe edhe në nivelin universitar e akademik.

Takimi, i cili u zhvillua në Ambasadën e Shteti të Kuvajtit në Tiranë, ishte shumë bashkëpunues dhe  miqësor.