Të Reja

Zona e parë e Lirë Ekonomike, Universiteti Mesdhetar nënshkruan marrëveshjen e bashkëpunimit. Universiteti Mesdhetar i Shqipërisë nënshkroi sot marrëveshjen e bashkëpunimit me TEDA, Zona e parë e Lirë Ekonomike në Shqipëri. Në kuadër të zhvillimit strategjik të Zonës së Teknologjisë dhe Zhvillimit Ekonomik Tiranë, bashkëpunimi do të shtrihet në disa fusha. Marrëveshja u firmos nga Rektori i Universitetit Mesdhetar të Shqipërisë, Adrian Civici dhe Administratori i TEDA-s, Dritan Delija. Marrëveshja u përshëndet edhe nga Presidenti i Universitetit Mesdhetar të Shqipërisë, Akademik Prof. Dr , Anastas Angjeli. Sipas tij, bashkëpuni do të krijojë një vizion afatgjatë për zhvillimin e TEDA-s, ndërsa përfitues do të jenë edhe studentët e Universitetit Mesdhetar të Shqipërisë. I pranishëm në këtë takim ishte edhe Drejtori i Përgjithshëm në Drejtorinë e Integrimit Planifikimit Strategjik dhe Zhvillimit Ekonomik në Bashkinë e Tiranës, i cili gjithashtu theksoi se qëllimi i kësaj iniciative është kthimi i TEDA në një model të zhvillimit të qëndrueshëm në nivel kombëtar dhe rajonal. Sipas Marrëveshjes UMSH do të ofrojë: Mundësi për kualifikime afatgjata të ciklit Bsc, Master Profesional dhe Master Shkencor për stafin e TEDA Tiranë, dhe institucioneve të varësisë, me kushte favorizuese. Gjithashtu do të ofrohen dhe trajnime dhe kualifikime për nevoja te bizneseve të Zonës së Teknologjisë dhe Zhvillimit Ekonomik Tiranë, si dhe shërbime të tjera, në organizm drejtim ristrukturim të bizneseve të veçanta, përfshirë edhe kualifikimet dhe aftësimin e tyre gjatë gjithë jetës. Ndërkohë , TEDA Tiranë, në përputhje me domosdoshmëritë dhe mundësitë që disponon, do të pranojë studentë në praktika profesionale dhe internshipe duke iu dhënë mundësinë studentëve të UMSH-se të shfaqin/përmirësojnë aftësitë e tyre profesionale. Dy institucionet do bashkëpunojnë edhe në fushën e projekteve.