Digital Transformation in the Western Balkans

Home > Ndërkombëtarizimi > Projekte > Universiteti mesdhetar

Digital Transformation in the Western Balkans - U2SID

THIRRJE PËR LEKTORËT

Të nderuar lektorë,

Kemi kënaqësinë t’iu ftojmë të merrni pjesë në grupin e punës “Sfida e Transformimit Digjital (DTC)”, një iniciativë e projektit Erasmus+ U2SID që synon të forcojë bashkëpunimin midis universiteteve dhe industrisë. Kjo sfidë promovon përdorimin e teknologjive digjitale dhe bashkëpunimin ndërdisiplinor për të adresuar çështje sociale, ekonomike dhe mjedisore.

DTC është një program strategjik nën projektin Erasmus+ U2SID – University to Society Collaboration for Inclusive Digital Transformation in the Western Balkans. DTC është projektuar për të shfrytëzuar njohuritë dhe kreativitetin e pedagogëve dhe studentëve tanë për të adresuar çështje komplekse sociale, ekonomike dhe mjedisore përmes përdorimit të teknologjive digjitale dhe punës ekipore ndërdisiplinore.

DTC është në përputhje me Misionin e Tretë të universitetit, duke pozicionuar universitetin si një kontribues kryesor në zhvillimin shoqëror dhe rritjen rajonale. DTC ofron një platformë për pedagogët që të angazhohen në kërkime me ndikim, të mentorojnë studentët dhe të bashkëpunojnë me palët e jashtme, duke rritur kështu rëndësinë e aktiviteteve akademike dhe duke kontribuar në inovacion dhe zhvillim të komunitetit.

DTC zgjat disa javë, me orare fleksibël për të përshtatur angazhimet akademike dhe kërkimore. Afatet kohore dhe pikat kryesore do të komunikohen në fillim të programit. Pedagogët do të kenë akses në materiale trajnimi dhe burime për të mbështetur ekipet e studentëve në mënyrë efektive. Takimet me palët e interesuara do të lehtësohen gjithashtu nga universiteti.

Nëse jeni të interesuar të merrni pjesë si pedagog, ju lutemi të plotësoni formularin e aplikimit dhe ta dërgoni në adresën [email protected] deri më 03.12.2024. Inkurajojmë pedagogë nga të gjitha disiplinat të aplikojnë, pasi DTC thekson bashkëpunimin ndërdisiplinor.

Presim me padurim pjesëmarrjen dhe mbështetjen tuaj për ta bërë punën në grup “Sfida të Transformimit Dixhital” një sukses.

Së bashku, mund të krijojmë zgjidhje me ndikim që kontribuojnë në zhvillimin rajonal dhe mirëqenien shoqërore.

Për çdo informacion shtesë, mos hezitoni të kontaktoni në adresën [email protected]

Dokumenta bashkëngjitur

Formular-aplikimi-lektore

FAKULTETET

Fakulteti i Shkencave
Ekonomike

Fakulteti i Shkencave Ekonomike përgatit ekonomistët e rinj, me konceptet bazë teorike të ekonomisë, financave, kontabilitetit, biznesit dhe ligjit, ekonomisë informatike, shprehitë e nevojshme praktike të ekonomiksit, menaxherit, financierit, bankierit, kontabilistit dhe specialistit të teknologjisë.

Fakulteti i Drejtësisë dhe
Shkencave Humane

Fakulteti i Drejësisë dhe Shkencave Humane, përgatit juristët, politologë, diplomatë, specialist komunikimi, duke i pajisur me aparatin e nevojshëm teorik por edhe me njohuritë praktike, të cilët do të përballojnë sfidat e sistemit të drejtësisë dhe marrëdhënieve ndërkombëtare në vend.

Fakulteti
i Informatikës

Fakulteti i Informatikës fizikisht dhe virtualisht ka në fokus arritjet me te fundit të shkencave informatike, sistemeve, teknologjive në zhvillim. I ndodhur në një kohë zhvillimesh teknologjike kohore marramendësë, oferta akademike ndjek ritmin e mbështetur nga një staf akademik i mirë kualifikuar. Pedagogë dhe studentë janë të përfshirë në projekte të përbashkëta duke e maksimalizuar përpjekjet për rezultate të larta.

Fakulteti
i Shkencave Mjekësore

Fakulteti i Shkencave Mjekësore një tjetër synim ambicioz i UMSH i orientuar në shërbim të rritjes së kapaciteve mjekësore në vend. Si në çdo hap tjetër i orientuar drejt arritjeve të larta, UMSH ka angazhuar profesorët më me emër të fushavë që mbulon fakulteti i ri. Hartimi i programeve në përafrim të praktikave më te mira europiane e bën të sotmen dhe të ardhmen e studenteve të sigurtë.