Ndërkombëtarizimi

THIRRJE PËR STUDENTËT

Të dashur Studentë,

Me kënaqësi ju ftojmë të merrni pjesë në workshopin “Sfida të Transformimit Digjital (DTC)”, një program inovativ i krijuar për t'iu fuqizuar të adresoni sfida reale të biznesit dhe shoqërisë duke përdorur zgjidhje digjitale moderne. Kjo është një mundësi unike për të përmirësuar aftësitë tuaja digjitale, për të aplikuar njohuritë akademike në praktikë dhe për të patur ndikim në komunitetin tuaj.

Workshopi DTC është pjesë e projektit Erasmus+ U2SID, i cili synon të përmirësojë bashkëpunimin midis universiteteve, bizneseve dhe organizatave të shoqërisë civile në Shqipëri dhe Mal të Zi. Përmes kësaj sfide, studentët do të punojnë krah për krah me pedagogë dhe partnerë të jashtëm për të bashkëkrijuar zgjidhje inovative që adresojnë çështje komplekse sociale, ekonomike dhe mjedisore. DTC bazohet në të mësuarit përmes projekteve dhe mentorimit, duke ju ofruar mundësinë për të zgjidhur probleme reale, duke fituar përvojë të paçmueshme praktike.

Pse të merrni pjesë në workshopin DTC?

- Fitoni përvojë praktike: Aplikoni njohuritë teorike që keni fituar gjatë studimeve në skenarë praktikë. Bashkëpunoni me student të tjerë, pedagogë dhe ekspertë të ndryshëm për të krijuar zgjidhje me ndikim real.

- Përmirësoni kompetencat digjitale: Forconi njohuritë tuaja digjitale dhe aftësitë teknike duke punuar në projekte që përfshijnë analitikë të të dhënave, zhvillim softuerësh, komunikim digjital dhe më shumë.

- Zhvilloni aftësi për zgjidhjen e problemeve dhe inovacion: DTC nxit një mendësi kreative dhe të orientuar drejt zgjidhjeve. Do të mësoni të navigoni në sfida komplekse dhe të zhvilloni zgjidhje që janë inovative, të qëndrueshme dhe të shkallëzuara.

- Krijoni rrjete dhe lidhje me liderë të industrisë: Vendosni kontakte me biznese, politikëbërës dhe organizata të shoqërisë civile. Fitoni njohuri mbi praktikat e industrisë dhe ndërtoni marrëdhënie që mund të mbështesin zhvillimin tuaj të ardhshëm profesional.

- Kontribuoni në zhvillimin e komunitetit: Krijoni zgjidhje që jo vetëm adresojnë nevojat e biznesit, por gjithashtu kontribuojnë në zhvillimin ekonomik dhe social të komunitetit tuaj.

Kush mund të aplikojë për Workshopin DTC?

Inkurajojmë aplikimet nga studentët e ciklit të parë dhe të dytë të studimeve nga fusha të ndryshme studimore, të cilët janë të interesuar për transformimin digjital dhe ndikimin në shoqëri. Ekipet ndërdisiplinore do të formohen bazuar në natyrën e sfidave të paraqitura, duke siguruar një qasje gjithëpërfshirëse ndaj zgjidhjes së problemeve.

Si funksionon?

1. Thirrja e hapur për pjesëmarrje: Regjistrohuni deri më 03.12.2024 për të shprehur interesin tuaj.

2. Bashkëpunimi me mentorë akademikë dhe të biznesit: Ekipet do të drejtohen nga mentorë akademikë dhe do të punojnë ngushtë me profesionistë të biznesit.

3. Zhvillimi i zgjidhjeve: Ekipet do të kalojnë nëpër faza iterative të ideimit, prototipimit, testimit dhe përsosjes.

4. Prezanti final dhe vlerësimi: Në fund të programit, ekipet do të prezantojnë zgjidhjet e tyre para një jurie ekspertësh.

Të gjithë pjesëmarrësit do të marrin një certifikatë pjesëmarrjeje. Zgjidhjet më të mira do të promovohen në evente universitare dhe të partnerëve, duke ofruar më shumë mundësi për vizibilitet.

Për t'u bashkuar me workshopin “Sfida të Transformimit Digjital”, lutemi të plotësoni formularin dhe ta dërgoni në email [email protected] deri më 03.12.2024.

Për     çdo     pyetje     ose     informacion     shtesë,     kontaktoni     në     postën     elektronike [email protected] 

Dokumenta bashkëngjitur