Ndërkombëtarizimi

Universiteti Mesdhetar i Shqipërisë, Qendra Abdulaziz Saud Albatain për Gjuhën dhe Kulturën Arabe festoi 18 dhjetorin, Ditën Botërore të Gjuhës Arabe. Përfaqësuesit e UMSh ishin pjesë e rëndësishme e aktivitetit të organizuar nga Ambasada e Arabisë Sauditë në Shqipëri dhe kontributi i tyre spikati si në pjesëmarrje, ashtu edhe në fjalën e Drejtorit të Qendrës Prof.Assoc.Dr. Arben Cici.

Konferenca e cila trajtonte edhe pozitën e gjihës arabe përballë IA kishte pjesëmarrje nga personalitete dhe akademikë të fushës së historisë, të gjuhësisë, të përkthimit nga Shqipëria dhe nga vendet arabe. Shefat e misioneve diplomatike të vendeve arabe në Shqipëri nderuan me pjesëmarrjen e tyre.

Në fjalën e tij, Drejtori i Qendrës Abdulaziz Saud Albatain për Gjuhën dhe Kulturën Arabe, Profesor Arben Cici foli për rëndësinë e kësaj date historike duke evidentuar rëndësinë e ruajtjes dhe përhapjes së gjuhës arabe dhe rolin e pazvendësuar të personalitet, akademikut, mendimtarit dhe poetit të spikatur nga Shteti i Kuvajtit, filantropit të madh, lartësisht të vlerësuar nga OKB, UNESCO, dhe organizata të tjera si dhe universitete me emër, zoti Abdulaziz Saud Albabtain.

Falë përkushtimit të tij dhe dëshirës për ta ruajtur dhe përhapur gjuhën dhe kulurën arabe, në Universitetin Mesdhetar të Shqipërisë, prej 2 vitesh, është ngritur Qendra Abdulaziz Saud Albabtain për “Gjuhën dhe Kulturën Arabe”, vuri në dukje Profesor Cici, duke shtuar se interesi dhe vëmëndja e studentëve dhe pedagogëve ndaj gjuhës dhe kulturës arabe është rritur dukshëm.

Duke folur për aktivitetin e qendrës, Profesor Cici theksoi se kjo qendër në UMSh shërben si një urë lidhëse për të ndihmuar në përhapjen e kulturës, historisë dhe traditës arabe mes komunitetit universitar dhe përtej tij. Duke nxitur dialogun ndërkulturor, kjo qendër synon të krijojë një platformë të hapur dhe të respektueshme për shkëmbimin e ideve, praktikave dhe njohurive që kontribuojnë në një mirëkuptim më të madh midis kulturave të ndryshme.

“Gjuha arabe, si një nga gjuhët më të vjetra, më të pasura dhe më të folura në botë, mbetet mjeti kryesor për të eksploruar këtë trashëgimi kulturore të pasur. Me theks të veçantë në rëndësinë e ruajtjes dhe përhapjes së saj, ne ndihmojmë studentët dhe studiuesit të kuptojnë lidhjet e saj historike, sociale dhe artistike në një kontekst global. Qendra jonë synon të ofrojë aktivitete dhe mundësi që ndihmojnë në zhvillimin e aftësive gjuhësore dhe në nxjerrjen në pah të kontributeve të kulturës arabe në histori, art, filozofi, shkencë dhe tradita, duke e bërë këtë njohuri të aksesueshme për të gjithë, theksoi në fjalën e tij profesor Arben Cici.

Në përfundim të aktivitetit Drejtori i Qendrës Abdulaziz Saud Albatain për Gjuhën dhe Kulturën Arabe, Prof. Assoc. Dr. Arben Cici u nderua më çmim të posaçëm për “kontributin e tij në shërbimin e gjuhës arabe dhe forcimit të pozitës së saj mes origjinalitetit burimor dhe frymës inovative”.

Në këtë aktivtitet morrën pjesë antarët e Bordit të Qendrës Abdulaziz Saud Albatain për Gjuhën dhe Kulturën Arabe, sudentët e kursit të gjuhës arabe dhe studentë e pedagogë të tjerë nga UMSH.