Të Reja

U zhvillua Sesioni informues dhe tryeza e diskutimit në Universitetin Mesdhetar të Shqipërisë për projektin CORE-ED Academy, i cili ka si objektiv kryesor përmirësimin e sistemit të burgjeve për të miturit në Shqipëri dhe në rajonin e Ballkanit
Paneli i të ftuarve për diskutim përfaqesohej nga:

Znj. Klaudia Hasanllari Drejtoreshë e Qëndres së parandalimit të krimeve pranë Ministrisë së Drejtësisë

Z. Dael Dervishi Drejtues i Zyrës së Projekteve Universiti Luarasi

Dr. Besjona Mehmetaj Drejtoreshë, “Qendra Komunitare Multidisiplinare”, Bashkia Tiranë

Ky projekt është i pari i këtij lloji në vend dhe në rajon, duke përfshirë sektorin akademik në mënyrë aktive në këtë fushë delikate dhe jetësore për të ardhmen e shoqërisë.

Projekti përfshin një rrjet të gjerë partnerësh nga universitete dhe institucione ndërkombëtare, të cilët sjellin ekspertizë të çmuar dhe përvojë praktike

CORE-ED Akademy vë theksin në rëndësinë e integrimit të institucioneve për të rehabilitimin e të miturve dhe universitetet kanë potencial për t’u bërë vatra të impaktit social.

Rektori i Universitetit Mesdhetar të Shqipërisë Prof. Dr. Adrian Civici gjatë fjalës së tij theksoi se duhet ketë një bashkëpunim mes partnerëve ndërkombëtarë, universiteteve dhe aktorëve të tjerë të përfshirë, në mënyrë që impakti të jetë edhe më i madh.

Projekti bashkoi akademike, partnerë shqiptarë, drejtues të pushtetit vendor dhe përfaqëdues të Ministrisë së Drejtësisë.
Prof.Dr.Përparim Kabo, Zv. Rektor i Universitetit Mesdhetar të Shqipërisë gjatë fjalës së tij u shpreh se: Adoleshentët e sotëm janë qytetarët e ardhshëm të Bashkimit Europian dhe është e domosdoshme që kujdesi të jetë i gjithanshëm, si në familje, media, shoqëria civile, arti dhe kultura. “Universitetet kanë potencial për t’u bërë vatra të impaktit social dhe me programe trajnimi forcohet sistemi i drejtësisë.

Themelimi i qendrës kërkimore për Ballkanin dhe pedagogjinë korrigjuese, është hap i rëndësishëm për të siguruar impaktin e iniciativës”, theksoi Prof.asoc.Dr.Nevila RamaZv.Rektore e Universitetit Mesdhetar të Shqipërisë.