Ndërkombëtarizimi

UMSH përfaqëson Shqipërinë në një konferencë ndërkombëtare mbi arsimin e lartë në epokën digjitale

 Riga, Letoni – 8 Maj 2025

Universiteti Mesdhetar i Shqipërisë (UMSH) mori pjesë si institucion përfaqësues në Konferencën Ndërkombëtare Shkencore me temë:
“Higher Education in the Digital Age: AI, Learning Design, and Pedagogical Advances”, e zhvilluar në Riga të Letonisë më datë 8 Maj 2025.

 UMSH prezantoi konceptin dhe qasjen e tij për dixhitalizimin në arsimin e lartë shqiptar, përmes një prezantimi të titulluar:
“Digital Transformation in Albanian Higher Education – The UMSH Case”, në të cilin u evidentua mënyra sesi universiteti po ndërton një model praktik dhe të qëndrueshëm të integrimit të teknologjisë në mësimdhënie, menaxhim akademik dhe angazhim të studentëve.

Ky prezantim ishte pjesë e kontributit të UMSH në projektin DIGITCHRESHE, një iniciativë europiane që synon fuqizimin e institucioneve të arsimit të lartë në Ballkan përmes transformimit digjital, përdorimit të inteligjencës artificiale dhe rritjes së kapaciteteve të mësimdhënies moderne.

 Theksi kryesor i prezantimit përfshiu:

Krijimin dhe funksionimin e Creative Lab si hapësirë inovative për studentët dhe stafin;
Integrimin e AI gjeneruese në proceset edukative dhe krijimin e përmbajtjes akademike;
Ndërthurjen e politikave institucionale me praktikat pedagogjike, për një qasje të qëndrueshme ndaj dixhitalizimit.
 Pjesëmarrja e UMSH në këtë konferencë ndërkombëtare përbën një hap të rëndësishëm për rritjen e profilit akademik ndërkombëtar të universitetit, si dhe një kontribut të drejtpërdrejtë në debatin global mbi të ardhmen e arsimit të lartë në epokën e inteligjencës artificiale.

 UMSH mbetet i angazhuar për të sjellë inovacion, përfshirje digjitale dhe qasje bashkëkohore në të gjitha nivelet e arsimit universitar.