Ndërkombëtarizimi

Thirrje për Aplikime Erasmus+ për Studentët
University of Valladolid, Spanjë
Viti Akademik 2026–2027 

Universiteti Mesdhetar i Shqipërisë njofton hapjen e thirrjes për aplikime për mobilitet Erasmus+ për praktikë kërkimore (Research Traineeship) në University of Valladolid, Spanjë, në kuadër të projektit Erasmus+ KA171 International Credit Mobility.

Kjo mundësi është e hapur për studentët e ciklit Master dhe PhD, të cilët dëshirojnë të zhvillojnë një periudhë kërkimi akademik në një mjedis ndërkombëtar, duke kontribuar në zhvillimin e punimit të diplomës, projekteve kërkimore, aktiviteteve laboratorike dhe bashkëpunimit akademik ndërkombëtar.

Programi synon të forcojë kompetencat shkencore, metodologjike dhe ndërkombëtare të studentëve, duke promovuar shkëmbimin akademik dhe integrimin në rrjetet kërkimore evropiane.

Kohëzgjatja e Mobilitetit: 5 muaj

Periudhat e mundshme të mobilitetit

• Semestri I: 15 Shtator 2026 – 15 Shkurt 2027
• Semestri II: 15 Shkurt 2027 – 31 Korrik 2027

Afati i aplikimit: 28 Prill 2026, ora 23:59 (CET)

Temat e kërkimit dhe ofertat akademike mund të konsultohen në katalogun e universitetit: https://uvamobplus2.uva.es/publico/courses 

Është shumë e rëndësishme që profili akademik i studentit të përputhet me temën e kërkimit të ofruar nga profesori pritës.

Mobiliteti është plotësisht i financuar nga programi Erasmus+, i cili mbulon grantin e mobilitetit dhe mbështetjen financiare për periudhën e qëndrimit.

Kandidatët duhet të përgatisin dokumentet e mëposhtme:

• CV (preferohet formati Europass)
• Letër motivimi
• Letër rekomandimi
• Transcript of Records
• Vërtetim studenti (Master ose PhD)
• Certifikatë e njohjes së gjuhës së huaj (minimumi niveli B2)
• Plan paraprak kërkimi / Work Plan
• Dokument identifikimi (pasaportë ose kartë identiteti)

Aplikimi kryhet vetëm online përmes platformës: https://uvamobplus2.uva.es/publico/apply 

Studentët duhet të ndjekin këto hapa:

1. Të zgjedhin ofertën kërkimore nga katalogu i universitetit.
2. Të kontaktojnë profesorin pritës për temën e kërkimit.
3. Të përgatisin një draft të planit të punës (work plan).
4. Të plotësojnë aplikimin online dhe të ngarkojnë dokumentet përkatëse.

Studentët e interesuar për të aplikuar ose për të marrë informacion të mëtejshëm mund të kontaktojnë: Zyra e Marrëdhënieve me Jashtë, Erasmus+ dhe Projekteve, E-mail: [email protected] 

Dokumenta bashkëngjitur