Ndërkombëtarizimi

Kontakt:

Zyra e Marrëdhënieve Ndërkombëtare & Erasmus+
Bulevardi "Gjergj Fishta", 52 1023 
Blloku C, Zyra C8, e-mail: [email protected], Tel: +355695543439

Koordinatori Institucional i Erasmus+
Elton Skendaj
[email protected] 
Tel: +355695543439

Universiteti Mesdhetar i Shqipërisë është aktiv në kuadër të strategjisë së ndërkombëtarizimit. Ndërkombëtarizimi është një proces dinamik dhe nënkupton ndërveprimin midis institucioneve, shkëmbimet dypalëshe, etj. Përmes një zyre tashmë të konsoliduar, UMSH ka ngritur strukturat e veta që mundësojnë pjesëmarrjen e studentëve dhe stafit akademik në programin Erasmus+ të mbështetur nga Komisioni Evropian.

Kështu, UMSH ka krijuar një rrjet partnerësh me të cilët bashkëpunon në rritjen e cilësisë së ndërkombëtarizimit duke nënshkruar marrëveshjen Erasmus+ KA107 "International Credit Mobility" (Lëvizshmëria Ndërkombëtare e Kreditit). Rrjeti i universiteteve partnere shtrihet në Portugali, Itali, Poloni, Bullgari, Estoni, Greqi, Turqi, Rumani, Hungari, Spanjë, Lituani, etj.

Disa nga universitetet partnere të UMSH në Erasmus+ janë:

• South-West University "Neofit Rilski" - Bullgari
• Tallinn University of Technology - Estoni
• Panteion University of Social and Political Sciences - Greqi
• University of L'Aquila - Itali
• University of Tuscia - Itali
• University of Salerno - Itali
• Lithuania Business University of Applied Sciences - Lituani
• Mykolas Romeris University - Lituani
• Bialystok University of Technology - Poloni
• Jagiellonian University - Poloni
• Kazimierz Wielki University - Poloni
• Rzeszow University - Poloni
• Lomza State University of Applied Sciences - Poloni
• University of Torun - Poloni
• University College of Enterprise and Administration in Lublin WSPA - Poloni
• University of Wroclaw - Poloni
• Polytechnic Institute of Braganca - Portugali
• University Autonoma de Barcelona - Spanjë
• Stefan cel Mare University of Suceava - Rumani
• Cukurova University - Turqi
• Hacettepe University - Turqi
• Giresun University - Turqi
• Sivas University - Turqi
• Bolu Abbant Izzet Baysal University - Turqi
• "Aurel Vlaicu" University of Arad - Rumani

si dhe një numër i madh universitetesh të tjera evropiane me të cilat shkëmbimet Erasmus+ KA1 fillojnë në vitin e ardhshëm akademik.

UMSH ka nënshkruar marrëveshje bashkëpunimi dhe ka vendosur instrumente konkrete për zbatimin e tyre me qëllim shkëmbimin akademik, shkëmbimin e materialeve shkencore dhe pjesëmarrjen e përbashkët në konferenca shkencore, botime të përbashkëta. Disa prej tyre janë renditur më poshtë:

• University of Tuscia - Itali
• University of Applied Sciences of Tallinn – Estoni
• Bialzstok University of Technology – Poloni
• Polytechnic Institute of Braganca – Portugali
• Cukurova University – Turqi
• Aldo Moro University of Bari – Itali
• Sigmund Freud University of Paris – Francë
• University of Calabria – Itali
• University of Bologna - Itali

Si rezultat i kësaj pune, UMSH dhe Universiteti i Tuscia-s, një universitet publik në Itali, duke filluar nga viti akademik 2022-2023, do të lançojnë bashkërisht Masterin në "Marketing dhe Cilësi", i cili do të zhvillohet në të dy universitetet ku në përfundim të tij studentët do të pajisen me diploma nga të dy universitetet. Ky Master do të zhvillohet në anglisht, shqip dhe italisht sipas nevojave të studentëve.

Ky bashkëpunim është edhe një herë një tregues i qartë i punës kërkimore shkencore që kryhet në UMSH, si dhe një tregues i qartë i besimit të partnerëve dhe universiteteve evropiane në atë që Universiteti Mesdhetar është dhe përfaqëson.

Universiteti Mesdhetar është gjithashtu aktiv në komponentin Erasmus+ KA2 të financuar nga Komisioni Evropian në projektin U-SIA (Lidhjet midis Universitetit dhe Shoqërisë në Shqipëri: Prodhimi i përbashkët i njohurive dhe kërkimi që ka rëndësi). Në këtë kontekst, Komisioni Evropian i besoi UMSH-së udhëheqjen e një konsorciumi të madh universitetesh shqiptare dhe të huaja duke i ofruar UMSH-së një grant prej rreth 860,000 Euro për zbatimin e projektit, përsëri një tregues i qartë i besimit dhe cilësisë së kërkimit shkencor në UMSH.

Universiteti Mesdhetar është gjithashtu partner në shumë projekte të tjera evropiane si Erasmus+ KA3 përmes projektit "Rinia aktive për zhvillimin e shoqërive", programi: "Evropa për qytetarët - Kujtesa e BE-së, etj.