Ndërkombëtarizimi

Thirrje për Aplikime Erasmus+ për Studentët në Proces Doktorature

University of Tuscia (UNITUS), Viterbo, Itali

Universiteti Mesdhetar i Shqipërisë (UMSH) hap thirrjen për aplikime në kuadër të programit Erasmus+, për mobilitet akademik të studentëve në proces doktorature pranë University of Tuscia (UNITUS), Viterbo, Itali, gjatë vitit akademik 2026–2027. Ky mobilitet përfaqëson një mundësi të vlefshme për studentët doktorantë që dëshirojnë të zhvillojnë më tej kërkimin e tyre shkencor në një mjedis ndërkombëtar akademik dhe kërkimor. Gjatë kësaj eksperience, studentët do të kenë mundësi të bashkëpunojnë me profesorë dhe studiues ndërkombëtarë, të avancojnë projektet e tyre kërkimore, të shkëmbejnë ide dhe metodologji shkencore, si dhe të forcojnë dimensionin ndërkombëtar të studimeve të tyre doktorale.

University of Tuscia (UNITUS) renditet ndër universitetet më të vlerësuara në Itali dhe Europë për cilësinë e kërkimit shkencor dhe ndërkombëtarizimin akademik. Universiteti është i pozicionuar në renditjet ndërkombëtare si QS World University Rankings dhe Times Higher Education, duke u dalluar veçanërisht për performancën në kërkimin shkencor, ku renditet në top 4% të universiteteve europiane për prodhim shkencor për staf akademik.

Thirrja është e hapur për studentët doktorantë të:

• Fakultetit të Shkencave Ekonomike
• Fakultetit të Informatikës

Dokumentet e nevojshme për aplikim:

• CV personale
• Projekt-propozimi dhe fusha e kërkimit shkencor (një përmbledhje e shkurtër 2–3 faqe)

Dërgimi i aplikimeve

Aplikimet duhet të dorëzohen pranë Zyrës së Marrëdhënieve me Jashtë, Erasmus+ dhe Projekteve në adresën elektronike: [email protected] 

Website I UNITUS: https://www.unitus.it/en/ateneo/ 

Afati i fundit për aplikim: 14 Gusht 2026

Për çdo informacion apo sqarim shtesë, ju lutemi kontaktoni Zyrën e Marrëdhënieve me Jashtë, Erasmus+ dhe Projekteve.

Mos e humbisni këtë mundësi për të zgjeruar përvojën tuaj akademike dhe kërkimore në një universitet partner europian, për të ndërtuar rrjete bashkëpunimi ndërkombëtar dhe për të kontribuar në zhvillimin e kërkimit shkencor dhe ndërkombëtarizimin e studimeve doktorale!