Ndërkombëtarizimi

Thirrje Erasmus+ për Stafin Akademik të Fakultetit të Shkencave Mjekësore
3rd International Teaching Week
Powiślańska Academy of Applied Sciences, Gdańsk, Poloni 
4–8 Nëntor 2026

Universiteti Mesdhetar i Shqipërisë shpall hapjen e thirrjes për aplikime për mobilitet të stafit akademik në Powiślańska Academy of Applied Sciences (PAAS), Gdańsk, Poloni, e cila do të organizojë 3rd International Teaching Week, në datat 4–8 Nëntor 2026.

Ky aktivitet përfaqëson një mundësi të shkëlqyer për:

• shkëmbim të praktikave më të mira në mësimdhënie;
• zhvillim profesional dhe akademik;
• krijimin e bashkëpunimeve të reja ndërkombëtare;
• zhvillimin e publikimeve dhe projekteve të përbashkëta kërkimore.

Në këtë thirrje mund të aplikojë stafi akademik i UMSH që i përket fushës së infermierisë pranë Fakultetit të Shkencave Mjekësore.

Përparësi në përzgjedhje do t'u jepet pedagogëve që:

• do të zhvillojnë aktivitet mësimdhënës gjatë mobilitetit;
• dëshirojnë të prezantojnë punimet e tyre në Konferencën Shkencore
• Ndërkombëtare që zhvillohet paralelisht me Teaching Week;
• janë të interesuar për zhvillimin e bashkëpunimeve akademike dhe kërkimore me stafin e PAAS.
• Nuk kanë marrë pjesë më përpara në mobilitete Erasmus+.

Dokumentacioni për aplikim
Stafi i interesuar duhet të shprehë interesin për pjesëmarrje pranë Zyrës së Marrëdhënieve me Jashtë (IRO) të UMSH në adresën: [email protected] 

Aplikimi duhet të përmbajë:

• Emrin e lëndës/fushës së ekspertizës;
• Temat që do të zhvillohen gjatë mobilitetit (minimumi 8 orë mësimdhënie);
• Një deklaratë interesi nëse dëshironi të merrni pjesë me prezantim në Konferencën Shkencore.

Linku i universitetit: https://powislanska.edu.pl/ 

Afati i aplikimit: 10 Gusht 2026

Për çdo informacion shtesë, Zyra e Marrëdhënieve me Jashtë, Erasmus+ dhe Projekteve mbetet në dispozicionin tuaj.