Ndërkombëtarizimi

Universiteti Mesdhetar i Shqipërisë njofton hapjen e thirrjes për pjesëmarrje të stafit akademik në kuadër të nismës së përbashkët ndërkombëtare të organizuar nga Powiślańska Academy of Applied Sciences, Poloni, në bashkëpunim me universitete partnere ndërkombëtare.

Kjo mundësi synon të krijojë kurse ndërkombëtare online, të zhvilluara gjatë një semestri, ku pedagogë nga universitete dhe vende të ndryshme kontribuojnë së bashku në procesin mësimor.

Kjo thirrje është e hapur për stafin akademik të Fakultetit të Ekonomisë me ekspertizë në fusha të tilla si: Marketing, Menaxhim Ndërkombëtar, Ekonomiks, Financë, Sipërmarrje, Menaxhimi Ndërkulturor, Burime Njerëzore, Transformimi Digjital, Tregtia Ndërkombëtare.

Çfarë ofron programi:

Stafi akademik i përzgjedhur do të ftohet të:

• zhvillojë 2 sesione mësimore online, nga 45 minuta secili, gjatë semestrit;
• përzgjedhë një temë në fushën e International Business, në përputhje me ekspertizën e tij;
• kontribuojë në një kurs të përbashkët ndërkombëtar, të zhvilluar nga akademikë nga universitete dhe vende të ndryshme;
• inkurajojë studentët e universitetit të tij që të marrin pjesë në kursin e plotë ndërkombëtar.

Sesionet do të planifikohen përgjatë semestrit dhe secili pedagog do të jetë përgjegjës vetëm për orarin e përcaktuar të mësimdhënies.

Procedura e Aplikimit:

Stafi akademik i interesuar ftohet të aplikojë në linkun: International Collaborative Courses Application.

Afati i aplikimit: 30 Gusht 2026

Për cdo pyetje/paqartësi, Zyra e Marrëdhënieve me Jashtë, Erasmus + dhe Projekteve mbetet në dispozicion ([email protected]). 

Universiteti Mesdhetar i Shqipërisë ju uron suksese në aplikimin tuaj!