Të Reja

University Startup LaunchPad 2026 – Thirrje për Aplikime për Startup-e

Universiteti Mesdhetar i Shqipërisë është përzgjedhur si Lehtësues Startup-esh në kuadër të programit të mbështetur nga Startup Albania dhe Ministria e Ekonomisë dhe Inovacionit.

Përmes programit University Startup LaunchPad 2026, ne synojmë të mbështesim studentë, të rinj, ekipe në fazë ideje dhe startup-e fillestare që kanë një ide inovative dhe dëshirojnë ta zhvillojnë atë më tej drejt një modeli të strukturuar biznesi.

Si lehtësues, roli ynë është të ofrojmë orientim, trajnim, mentorim dhe këshillim praktik për ekipet pjesëmarrëse. Programi do t’i ndihmojë startup-et të qartësojnë problemin që zgjidhin, të kuptojnë më mirë tregun, të ndërtojnë modelin e biznesit, të përgatisin MVP/prototipin, të zhvillojnë planin financiar dhe të përgatiten për prezantim profesional përpara ekspertëve, partnerëve dhe aktorëve të ekosistemit.

Programi përfshin:

• mentorim dhe këshillim nga ekspertë;
• trajnime tematike për startup-et;
• mbështetje për zhvillimin e idesë dhe modelit të biznesit;
• orientim për tregun, klientët dhe konkurrencën;
• përgatitje për pitching dhe prezantim;
• lidhje me komunitetin e inovacionit dhe sipërmarrjes.

Ftojmë të gjithë studentët, të rinjtë, ekipet me ide inovative dhe startup-et në fazë të hershme të aplikojnë për t’u bërë pjesë e këtij programi.

Aplikimet janë të hapura në: https://slp2026.com/apply

University Startup LaunchPad 2026 është një mundësi konkrete për të kthyer idetë inovative në projekte të strukturuara, të mbështetura dhe të gatshme për zhvillim të mëtejshëm.